Act 5 | Ndebele | STEP | Kodwa indoda ethile uAnaniya ngebizo, loSafira umkakhe, bathengisa impahla,

1 Kodwa indoda ethile uAnaniya ngebizo, loSafira umkakhe, bathengisa impahla, 2 yagodla entengweni, lomkakhe ekwazi ^a, yaletha ingxenye ethile yayibeka enyaweni zabaphostoli ^b. 3 Kodwa uPetro wathi: Ananiya, kungani uSathane ^c egcwalise inhliziyo yakho ^d, uqambe amanga ^{▼▼ uqambe amanga: kumbe, ukhohlise.} kuMoya oyiNgcwele ^f, njalo ugodle entengweni yesiqinti ^g? 4 Sisekhona besingesiso esakho, sesithengisiwe besingekho emandleni akho yini? Kungani ukuthi ubeke lesisenzo enhliziyweni yakho ^h? Kawuqambanga amanga ebantwini kodwa kuNkulunkulu ⁱ. 5 Kwathi uAnaniya esizwa lamazwi, wawela phansi waphela ^j; lokwesaba okukhulu kwehlela phezu kwabo bonke abazizwayo lezizinto ^k. 6 Lamajaha asuka ^l amgoqela asemthwalela ngaphandle amngcwaba ^m.

7 Kwasekusithi sekungaba ngamahola amathathu kwedlule, lomkakhe wangena engakwazi okwenzakeleyo. 8 UPetro wasemphendula wathi: Ngitshele ukuthi isiqinti lisithengise ngokungaka. Wasesithi: Yebo, ngokungaka ⁿ. 9 UPetro wasesithi kuye: Kungani ukuthi livumelane ukulinga ^o uMoya weNkosi ^p? Khangela, inyawo zabangcwabe indoda yakho zisemnyango, lawe bazakuthwalela ngaphandle ^q. 10 Njalo wahle wawela phansi enyaweni zakhe ^r, wasephela ^s; lamajaha engena amfica esefile, asemthwalela ngaphandle amngcwaba eduze kwendoda yakhe ^t. 11 Lokwesaba okukhulu kwehlela phezu kwebandla lonke, lakubo bonke abazizwayo lezizinto ^u.

Izimangaliso zabaphostoli

12 Njalo ngezandla zabaphostoli ^v kwenziwa izibonakaliso lezimangaliso ezinengi ebantwini ^w; babenhliziyonye bonke ^x ekhulusini likaSolomoni ^y. 13 Kodwa kwabanye kwakungekho olesibindi sokuzihlanganisa labo ^z, kodwa abantu babebahlonipha kakhulu ^aa; 14 njalo abakholwayo bengezelelwa banda eNkosini, amaxuku womabili amadoda labesifazana ^ab; 15 baze bathwalela phandle emigwaqweni abagulayo, basebebabeka ezinhlakeni lemacansini, ukuze kuthi lapho uPetro esiza ngitsho isithunzi sibasibekele abanye babo ^ac. 16 Njalo lamaxuku avela emizini ezingelezeleyo babuthana ndawonye eJerusalema, beletha abagulayo ^ad labahlutshwa ngomoya abangcolileyo, basiliswa bonke ^ae.

Ukubotshwa lokukhululwa kwabaphostoli

17 Kwasekusukuma umpristi omkhulu labo bonke ababelaye ^af abangabehlelo labaSadusi ^ag, bagcwala umona, 18 babadumela abaphostoli ngezandla zabo ^ah, basebebafaka esitokisini sabantu ^ai. 19 Kodwa ebusuku ingilosi yeNkosi ^aj yavula iminyango yentolongo yabakhupha yathi ^ak: 20 Hambani, njalo lime likhulume ethempelini ebantwini ^al wonke amazwi alimpilo ^am. 21 Kwathi sebezwile, bangena ethempelini ^an emadabukakusa, bafundisa. Kodwa kwasekufika umpristi omkhulu ^ao lalabo ababelaye, babizela ndawonye umphakathi ^ap labo bonke abadala babantwana bakoIsrayeli, bathumela entolongweni ukubaletha. 22 Kodwa kwathi abancedisi befika kababaficanga entolongweni; babuyela emuva babika, 23 besithi: Intolongo siyifice ivaliwe konke kuqinile, labalindi bemi phandle phambi kweminyango; kodwa sesivulile, phakathi kasificanga muntu ^aq. 24 Njalo kwathi umpristi lenduna yethempeli labapristi abakhulu bezwe lamazwi ^ar, badideka kakhulu ngabo, ukuthi lokhu kuzakuba yini ^as. 25 Kwasekufika omunye wabatshela wathi: Khangelani, amadoda ebeliwafake entolongweni ami ethempelini afundisa abantu ^at. 26 Yasihamba induna ^au labancedisi babaletha ^av, kungeyisikho ngamandla, ngoba babesesaba abantu, ukuze bangakhandwa ngamatshe ^aw.

27 Sebebalethile babamisa phambi komphakathi ^ax. Umpristi omkhulu wasebabuza, 28 esithi: Kasililayisisanga ^ay yini ukuthi lingafundisi ngalelibizo? Kodwa khangelani seligcwalise iJerusalema ngemfundiso yenu ^az, liqonde ukwehlisela ^ba igazi lalumuntu phezu kwethu ^bb. 29 Kodwa uPetro labaphostoli baphendula bathi: Kumele ukulalela uNkulunkulu kulabantu ^bc. 30 UNkulunkulu wabobaba ^bd bethu wamvusa uJesu, elambulala lina ^be, limphanyeka esihlahleni ^bf. 31 Yena lo, uNkulunkulu wamphakamisa ngesandla sakhe sokunene ^bg, abe nguMkhokheli ^bh loMsindisi ^bi, ukunika uIsrayeli ukuphenduka ^bj lothethelelo lwezono ^{bk
,} ^bl. 32 Njalo thina singabafakazi bakhe balezizinto, njalo loMoya oyiNgcwele ^bm, uNkulunkulu amnike labo abamlalelayo ^bn.

Iseluleko sikaGamaliyeli

33 Kwathi sebezwile lokhu bathukuthela kakhulu ^bo, benza icebo lokubabulala ^bp. 34 Kwasekusukuma umFarisi othile emphakathini ^bq, uGamaliyeli ngebizo ^br, umfundisi womlayo, ohlonitshwa yibo bonke abantu, walaya ukuthi bakhuphele phandle abaphostoli okwesikhatshana ^bs. 35 Wasesithi kubo: Madoda maIsrayeli, ziqapheleni mayelana lalababantu, elizakwenza ^bt. 36 Ngoba ngaphambi kwalezinsuku kwasuka uTewuda, esithi yena ngokwakhe ungumuntu, lahlanganyela laye inani lamadoda angaba ngamakhulu amane; wabulawa, labo bonke ababemlalela ^{▼▼ ababemlalela: kumbe, ababemkholwa.} bachitheka baphela ^bv. 37 Emva kwakhe kwasuka uJudasi umGalili ensukwini zokubalwa ^bw, wadonsela abantu abanengi ngemva kwakhe; laye wabhubha, lalabo bonke ababemlalela bachitheka. 38 Njalo khathesi ngithi kini: Dedani kulababantu, libayekele; ngoba uba lelicebo kumbe lumsebenzi ungowabantu, uzachitheka ^bx; 39 kodwa uba ungokaNkulunkulu, lingeke lawuchitha, hlezi lificwe ngitsho lingabalwayo loNkulunkulu ^by. 40 Basebemlalela; sebebabizele kubo abaphostoli ^bz babatshaya ^ca, babalaya ukuthi bangakhulumi ngebizo likaJesu, basebebakhulula ^cb. 41 Ngakho basuka ebusweni bomphakathi ^cc, bethokoza ^cd ukuthi kwakubafanele ukudunyazwa ngenxa yebizo lakhe ^ce. 42 Njalo insuku zonke, ethempelini ^cf lakundlu ngendlu ^cg, kabayekelanga ukufundisa ^ch lokutshumayela uJesu Kristu ^ci.